Bölvun trúarbragða......

Það sýnir sig aftur og aftur hve þessi blessuðu trúarbrögð valda miklum skaða í heiminum og Múhameðstrúin er sú versta af mörgum slæmum. Í gegnum aldirnar og allt fram á þennan dag hefur gengið á með linnulausum morðum, limlestingum og átökum innan trúarbragða jafnt sem á milli ólíkra trúarbragða. Alls konar viðbjóður hefur þrifist í skjóli kirkjunnar og má þar helst nefna það skjól, sem barnaníðingar hafa haft þar, oftar en ekki með vitund yfirmanna sinna. Maður getur nefnt alla þá fjármuni, sem kirkjan hefur sogað til sín eða jafnvel stolið....fjármunir, sem betur hefðu farið til menntunar, uppbyggingar eða jafnvel brauðfæðingar fátæklinga í stað þess að notast í hallelújaæfingar.  Að sjá kirkjunnar menn skrýdda dýrum klæðum í skrauti hlöðnum kirkjum meðan rétt fyrir utan dyrnar þrífst fátækur múgurinn....þannig var þetta fram eftir öldum og er sjálfsagt víða enn þannig. Hins vegar tel ég að boðorðin tíu úr biblíunni séu hið besta mál og sjálfsagt að menn lifi eftir þeim eftir bestu getu....en restinni má henda, eða í besta lagi njóta sem barnalegs ævintýrs, sem því miður hefur valdið býsna miklum skaða. Hérlendis á að hafa algeran aðskilnað á milli ríkis og kirkju! Það fólk, sem trúir á þessi ævintýri og notar þessi átrúnaðarhús, á að borga fyrir þetta, ekki hinn almenni skattborgari.

Fagna árás á danskan teiknara

Athugasemdir

[Einar (IP-tala skráð) 2.1.2010 kl. 20:21]

"Múhameðstrúin er sú versta af mörgum slæmum."  Trú sem slík er ekki slæm, þeir sem trúa blint eru af hinu vonda.

[Páll Jónsson, 3.1.2010 kl. 06:28]

Grundvallarvandamálið er sú hugmynd að það sé á einhvern hátt eftirsóknarvert að trúa á hluti án þess að hægt sé að sýna fram á tilvist þeirra með sannfærandi hætti, sem er sameiginlegt með flestum trúarbrögðum.

Þegar þú ert búinn að opna á "trú" í þessum skilningi sem valkost (eða jafnvel sem göfuga, allt að því nauðsynlega hlið tilbeiðslunnar) þá eru lítil takmörk fyrir því hversu vitlausar afleiðingarnar geta orðið.

Til að mynda get ég ómögulega skilið hvernig stjórnmálamenn þora að láta opinberlega út úr sér trúarlega tengd komment. Á ég sem kjósandi bara að treysta því að þetta sé eina sviðið þar sem viðkomandi stjórnmálamaður telur rök vera óþörf?