Jón Kristjánsson

27.3.2009 | 15:21

Landsfundur Auðmanna.

Ákaflega er hún dapurleg brottför Geirs Haarde úr íslenskum stjórnmálum. Þvílíkur hugleysingi. Horfir framan í þjóðina og kennir flestum öðrum um en sínum sýkta flokki. Eftir að Sjálfstæðisflokkurinn hafði á síðastliðnum átján árum skapað þær aðstæður, sem rústuðu þjóðinni, reynir hann að kenna Samfylkingunni um allt það, sem miður hefur farið eftir hrunið. Gungan Geir! Hann er því miður ekki það karlmenni að hann geti axlað sína ábyrgð í þessum málum frekar en hinn hinn viti skerti fyrrum formaður flokksins, sem unnið hefur þjóð sinni geysilegt tjón með gegndarlausu klúðri sínu undanfarin ár. Ekki það að nokkur sjálfstæðismaður geti horfst í augu við það að átrúnaðargoðinu forna hafi orðið nokkur skapaður hlutur á í messunni. Slík er veruleikafirring Sjálfstæðisflokksins. Það virðist ljóst að Sjálfstæðisflokkurinn ætlar að einangra þjóðina hér norður í hafi með sína vesælu krónu. Nafn flokksins mun snúast í andhverfu sína því það verður flest annað en sjálfstæði í boði með áframhaldandi vaxtaokri, sérhagsmunagæslu og ónýtri krónu. En eins og alltaf í Flokknum eina, þá eru það stóreignamennirnir og sægreifarnir, sem eiga síðasta orðið og munu gera allt til að vernda sína hagsmuni, sem fara ekki saman við hagsmuni þjóðarinnar frekar en fyrri daginn. Það þarf ekki annað en að líta á stórglæsilegan bílaflotann fyrir utan Laugardalshöllina til að sjá að þarna eru auðmenn þjóðarinnar saman komnir. Refsum því Sjálfstæðisflokknum í komandi kosningum eins og hann á skilið!